من يوم ما شوفت النور.....وانا بسأل نفسي وادور
انا ليه اتولدت مصري؟
كبرت رافع راسي.....كان الشموخ احساسي
اضحي بروحي عشانك.....يا امي واقاسي
كنت حاسس اني صغير.....ولساني جوايا اسير
وسلاسل رابطة ايديا.....وسكون لافف حواليا
ليه انا صمت عن الجهاد؟.....والسكوت كان ليا زاد
والانين جوايا زاد.....دمر سكوت كل السكات
انا شهيد الحرية.....انا سليل الوطنية
ضحيت بروحي ودمي.....عشان تعيشي ابية
يا مصر يا امي وهنايا.....بدمي اللي سايل جوايا
اروي ارضك.....افدي عرضك
ومستحيل انا انسى فضلك
هزمت الخوف اللي فيا.....دي الجنة قدام عنيا
يا اعيش فأرضي بحرية.....يا اموت شهيد...
يا أموت شهيد الوطنية.
ليست هناك تعليقات:
إرسال تعليق