انا بيت مضلل على يتامى
مليان أسى ودمع أيامى
وصرخة فقير داق شقى ياما
انا صورة اب وشريطة سودا
عين ام بالبكا موعودة
وحرقة فعين صاحب الشهيد
مات جنبه برصاصة مقصودة
اصرار فعين كل صباح
لازم نحاكم السفاح
بيقولوا حرام ده ابونا
في اب بييتم احفاده؟
ويضيع عيون اولاده
ويعذب غيرهم ملايين
شوف مستشفى 57
كام طفل جابله المرض اللعين
ازاي هنرجع ارضنا
خصبة تاني من غير مسرطنات
وازاي نداوي حلمنا
اللي اتلطخ بالامراض
انا موافق متحاكموهوش
بس ترجعولي اخويا
دمه سال على القميص
وصاني احاكم كل خسيس
واوعى اقابل ربنا
ودمه لسة عالقميص
ليست هناك تعليقات:
إرسال تعليق